Besos, muñeca

De: arcadio.nominas@princast.com
Asunto: Gústesme, moza
Fecha: 22 de noviembre de 2008 12:30:23 GMT+01:00
Para: maria.putuca@ugt.com

Estimada María,

mira una cosa Mery, gústesme. Tovía nun me creo que una rapaza perguapa como tú haya mirao pa un gordu calvu como yo, pero paez que tú yes del tipu de muyer que-i gusten los paisanos como los de antes. Vuélvesme llocu Mery; comenteilo a mi madre y ella diz que yes de UGT y que lo que quies ye sacame les perres o timame. Que sabrá ella, ¿eh cari? Téngolo decidío, voy marchar de casa mi ma y vamos a vivir xuntos al Rubín que hay unos pisos de protección oficial ahora perguapos.

¿Apetezte ir a gastar pista a la Real esti vienres?

Besos muñeca


De: maria.putuca@ugt.com
Asunto: Arcadio céntrate
Fecha: 22 de noviembre de 2008 14:40:51 GMT+01:00
Para: arcadio.nominas@princast.com

A ver Arcadio,

Tú a la tu madre, ni caso. Lo que i-pasa ye que ta celosa porque gústote yo más que ella. Ya sabes que ye verdad trabayo en UGT, pero tiénenme faciendo fotocopies, nun me tienen aquí pa pensar. Lo de mercar pisu nel Rubín paezme cojonudo, pero yo como toy fixa discontínua nun voy poder poner perres pa la entrada, pero eso nun será problema ¿no cari?

Una cosina voy pidite Arcadio, ye que toy faciendo un curso aqui na UGT de formación de Excell, ¿podíes mandame pa enredar una llista con los sueldos de los miembros del gabinete del Principao? Ya sabes, cari, pa que yo aprenda informática pa poder medrar y ser sabia como tú.

Diox Arcadio, pensar en esa calva que tienes y poneme cachonda ye todo uno.

PD: Acuérdate, la fueya que traiga los nombres y nómines en dos columnes.

De: arcadio.nominas@princast.com
Asunto: Mándote lo que tu quieras, vida
Fecha: 22 de noviembre de 2008 15:30:23 GMT+01:00
Para: maria.putuca@ugt.com

Hola Mery,

Adxúntote el ficheru de Excell que me pediste. Ya sabes que nun soy yo muy de la teoría de que la muyer sepa de númberos y que eso ye cosa de paisanos, pero si ye por cultura, mándote hasta la matrícula de Tini, ¿oiste?

Nun va a facer falta que marche de casa mi madre, porque acaba de echame de casa al enterase de nuestros planes de emancipación. Taba pensando que voy mudame a tu casa hasta que demos la entrada del pisu. Tengo les maletes en el Megane. Hoy voy llevate a cenar fuera pa celebralo.

Besos muñeca


De: maria.putuca@ugt.com
Asunto: Arcadio, déxote
Fecha: 22 de noviembre de 2008 18:43:53 GMT+01:00
Para: arcadio.nominas@princast.com

Arcadio,

Tuve pensando que nun toy llista ni pa casame ni pa meteme en un pisu contigo, ni pa rascate esa tripona que tienes. Además eso de faltai a tu madre dame mala espina. Cualquier día entérome que conociste a una funcionaria como tú, con más cultura que yo y con más perres y déxesme.

Además ayer en el Mercadona vi a Mauri, un mozu que tuve fai tiempu y que púsose bracu, bracu. Nun ye por desmerecer pero por lo que pude intuir a Mauri na entrepierna, Arcadio quedes en un discreto segundu planu. Metiome picu en la zona de frutería, cosa que tu nun ficiste nunca.

Así que nun me llames más, que el móvil esi que me mercaste regaleilo a Mauri y como lu llames va a date de osties. Pa asegurame de que nun me presiones, contei que lleres un sátiro y un maltrataor, asina que nun me busques que acabes en Muries.

Gracies por la llista, acabo de pasar de ser la de fotocopies a ser del soviet supremo de la UGT en Oviedo y van dame facilidades pa mercar un adosau en la Fresneda.

Yes bobu Arcadio, pero bobu bobu.


Real como la vida misma. Bueno igual algo dramatizao, pero algo así traíalo esta semana la Nueva España